კურდღლის ჩაშუშული ესპანურად

ინგრიდიენტები

1 ცალი კურდღელი აქნილი (8-10 ნაწილად იქნება)
300 გრ. სოკო (მინდვრის ან სათბურის);
300 გრ. შებოლილი ცხარე სოსისი, საუკეთესოა "ჩორიზო" დაჭრილი თითო ლუკმად (შეიძლება ჩანაცვლდეს შებოლილი

ლორით (თხლად დაჭრილი) ან სოსისით "მონადირული");
2 თავი საშუალო ზომის ხახვი, დაჭრილი;
2 კბილი ნიორი, დაჭრილი;
2 ცალი დაფნის ფოთოლი;
მარილი, წიწაკა.
1,5 ჭიქა ღვინო ან შერი;
1 ქილა (400 გრ) დაჭრილი პომიდორი;
ზეთი - შესაწვავად;
1 კონა ოხრახუში, დაჭრილი ბოლოს მოსაყრელად;
1 ცალი დარიჩინი (სურვილისამებრ);
1/2 მუსკატის კაკალი დახეხილი (ესეც სურვილისამებრ)

მომზადების დრო: ინგრედიენტების მოსამზადებლად - 15 წუთი; ღუმელში საჭიროა 1.5 სთ (საშუალოდ);
ინვენტარი: ღრმა ცეცხლგამძლე ჭურჭელი ღუმელისათვის;



მომზადების წესი:
გაახურეთ ღუმელი 180 გრადუსამდე. საჭიროა ღრმა თუნუქის ფურცელი (კიდეები 5 სმ სიმაღლის მაინც უნდა ქონდეს). მოასხით ცოტა ზეთი, დაალაგეთ კურდღლის ნაჭრები, სოსისი, სოკო, ხახვი, ნიორი, სუნელები, ღვინო მოკლედ ყველაფერი რაც ზემოთ წერია და აურიეთ კარგად. შედგით ღუმელში.
მზად არის დაახლოებით 1,5 საათში. (მომზადებას შეატყობთ, როცა ხორცი რბილი იქნება და ადვილად მოშორდება ძვალს). წვენს თითქმის ჩაიშრობს და სოუსის (საწებლის) სისქის დარჩება.
უხდება ახალ, კარაქში მოთუშულ სტაფილოს, ბარდას, კარტოფილს.
ამასთანავე, "ცოცხალი" სალათა მწვანე ფოთლები, კიტრი, სიმინდის მარცვლები, ზეთისხილი.
პიურე ან სქლად დაჭრილი შემწვარი კარტოფილი.